ໃນຕອນເຊົ້າວັນຈັນທີ 10 ມິນາ 2025 ຢູ່ທີ່ສະຖາບັນນິເວດວິທະຍາ ແລະ ເຕັກໂນໂລຊີ ຊີວະພາບ, ກປ. ໄດ້ເປີດຊຸດຝຶກອົບຮົມ ການຂະຫຍາຍພັນພືດ ດ້ວຍເຕັກນິກການເພາະລ້ຽງເເພຈຸລັງ (Training on Plant Propagation by Tissue Culture Techniques) ພາຍໃຕ້ການເປັນປະທານຂອງ ທ່ານ ຄຳແພງ ໂພທິຈິດໂຕ ຮອງຫົວຫນ້າສະຖາບັນ; ຈຸດປະສົງໃນການຝຶກອົບຮົມແມ່ນ ເພື່ອເປັນການສ້າງຄວາມອາດສາມາດໃນການນໍາໃຊ້ເຕັກໂນໂລຊີ ຊີວະພາບ ໂດຍສະເພາະແມ່ນ ເຕັກນິກການເພາະລ້ຽງເເພຈຸລັງເຂົ້າໃນການຜະລິດກະສິກໍາ ແລະ ຜູ້ເຂົ້າຮ່ວມຈະໄດ້ຮຽນຮູ້ທັງພາກທິດສະດີ ພ້ອມປະຕິບັດຕົວຈິງກ່ຽວກັບ ການຂະຫຍາຍພັນພືດ ດ້ວຍເຕັກນິກການເພາະລ້ຽງເເພຈຸລັງ. ເຊິ່ງມີບັນດາແຂກມາຈາກ ພະແນກກະສິກຳ ແລະ ປ່າໄມ້ ແຂວງ ຊຽງຂວາງ, ກປ ເມືອງແປກ, ກປ ເມືອງວຽງຄຳ, ກປ ເມືອງພູກູດ, ກປ ເມືອງຜາໄຊ, ກປ ເມືອງຄູນ, ກປ ເມືອງໜອງແຮດ, ພະແນກກະສິກຳ ແລະ ປ່າໄມ້ແຂວງ ວຽງຈັນ, ກປ ເມືອງໂພນໂຮງ, ກປ ເມືອງຫີນເຫີບ, ກປ ເມືອງວັງວຽງ ແລະ ພະນັກງານວິຊາການໂຄງການ SARLI, ລວມມີ 3 ພາກສ່ວນທັງໝົດ 14 ທ່ານ, ໃຊ້ເວລາ 5 ວັນ (10-14 ມິນາ 2025).
