- ສະຖາບັນນິເວດວິທະຍາ ແລະ ເຕັກໂນໂລຊີ ຊີວະພາບ ຮ່ວມກັບ ສວນພຶກສາສາດສິບສອງປັນນາ (XTBG) ສະພາບັນດິດວິທະຍາສາດ ສປ ຈີນ. ໄດ້ຈັດກກອງປະຊຸມສໍາມະນາວິຊາການ ນິເວດວິທະຍາ ແລະ ຄວາມຫຼາກຫຼາຍທາງດ້ານຊີວະນາໆພັນໃນການອະນຸລັກແບບຍືນຍົງ ແລະ ແລກປ່ຽນທາງວິຊາການ ຊຶ່ງມີຈຸດປະສົງດັ່ງນີ້:
- ເພື່ອໃຫ້ຮູ້ເຖິງຄວາມໜາຍຄວາມສຳຄັນຂອງລະບົບນິເວດວິທະຍາ ແລະ ປະໂຫຍດຄວາມຫຼາກຫຼາຍຊີວະນາໆພັນ.
- ເພື່ອຍົກລະດັບຄວາມຮູ້ໃຫ້ແກ່ພະນັກງານວິຊາການໃນການສຶກສາຄົ້ນຄວ້າການສຳຫຼວດ ແລະ ການອະນຸລັກບັນດາລະບົບນິເວດວິທະຍາ ແລະ ຄວາມຫຼາກຫຼາຍຂອງຊີວະນາໆພັນ.
- ນອກຈາກນີ້ ຍັງເປັນການສືບຕໍ່ຮັດແໜ້ນສາຍພົວພັນຮ່ວມມືກັບບັນດາຄູ່ຮ່ວມພັດທະນາ ຈາກ ສປ ຈີນ ແລະ ບັນດາຂະແໜງການສູນກາງ ແລະ ທ້ອງຖິ່ນ ທີ່ມີບົດຮຽນ ແລະ ປະສົບການໃນຂົງເຂດວຽກງານດັ່ງກ່າວ.
- ກອງປະຊຸມຄັ້ງນີ້ ພາຍໃຕ້ການເປັນປະທານໂດຍ ທ່ານ ປອ ນ. ແກ້ວວິວອນ ອຸດທະຈັກ, ຫົວໜ້າສະຖາບັນ ນິເວດວິທະຍາ ແລະ ເຕັກໂນໂລຊີຊີວະພາບ ແລະ ທ່ານ ສຈ. ດຣ. ຢ່າງ ໂຢງປິງ ( Dr. Yang Yongping) ຫົວໜ້າສວນພຶກສາສາດສິບສອງປັນນາ (XTBG), ສະພາບັນດິດວິທະຍາສາດ ສປ ຈີນ.
- ຜູ້ເຂົ້າຮ່ວມທັງໝົດ 70 ທ່ານ, ໃນນັ້ນຕາງໜ້າໃຫ້ ບັນດາທ່ານຫົວໜ້າ, ຮອງຫົວໜ້າ ພະແນກກະສິກໍາ ແລະ ປ່າໄມ້ ແຂວງ ພາກເໜືອ ແລະ ພາກກາງ 13 ແຂວງ, ກົມກອງ ອ້ອມຂ້າງພາຍໃນກະຊວງ 10 ພາກສ່ວນ ແລະ ຊ່ຽວຊານ ສປ ຈີນ 26 ທ່ານ ຊຶ່ງຕ່າງໜ້າຈາກ 7 ພາກສ່ວນຄື:
- ສວນພືກສາສາດສິບສອງປັນນາ
- ມະຫາວິທະຍາໄລເຈີຈຽງ
- ສະຖາບັນ ສັດຕະສາດຄຸນມິງ
- ສະຖາບັນ ຈຸນລະວິທະຍາ
- ສະຖາບັນ ພືກສາສາດ
- ສະຖາບັນ ຊີວະວິທະຍາ ເສີນຕູ່
- ສະພາບັນດິດວິທະຍາສາດກະສິກຳ ຈີນ.
