ໃນຕອນເຊົ້າຂອງວັນທີ 27 ກັນຍາ 2022 ທີ່ຫ້ອງປະຊຸມ ພະແນກກະສິກຳ ແລະ ປ່າໄມ້ ແຂວງຫຼວງພະບາງ ໄດ້ມີພິທີເປີດກອງປະຊຸມຖ່າຍທອດຜົນການຄົ້ນຄວ້າ ພັດທະນາ ວຽກງານນິເວດວິທະຍາ ແລະ ເຕັກໂນໂລຊີຊີວະພາບ ໃຫ້ 11 ແຂວງພາກກາງ ແລະ ພາກເໝືອ(ນະຄອນຫຼວງວຽງຈັນ, ໄຊສົມບູນ, ວຽງຈັນ, ຊຽງຂວາງ, ຫົວພັນ, ຫຼວງພະບາງ, ຫຼວງນໍ້າທາ, ບໍ່ແກ້ວ, ໄຊຍະບູລີ ແລະ ຜົ້ງສາລີ). ໂດຍການເປັນປະທານຮ່ວມຂອງ ທ່ານ ປອ ນາງ ແກ້ວວິວອນ ອຸດທະຈັກ ຫົວໜ້າສະຖາບັນນິເວດວິທະຍາ ແລະ ເຕັກໂນໂລຊີຊີວະພາບ ແລະ ທ່ານ ປອ ສົມເພັດ ເພັງຈັນ ຮອງຫົວໜ້າພະແນກກະສິກຳ ແລະ ປ່າໄມ້ ແຂວງຫລວງພະບາງ, ເຊິ່ງກອງປະຊຸມດຳເນີນເປັນເວລາ 2 ວັນ ແລະ 1 ວັນ ລົງພາກສະໜາມ, ໃນລະຫວ່າງວັນທີ 27-29 ກັນຍາ 2022.
ຈຸດປະສົງຂອງກອງປະຊຸມ: (1)ເພື່ອນໍາເອົາບາງຜົນການຄົ້ນຄວ້າ-ພັດທະນາ, ບໍລິການໃຫ້ຂັ້ນທ້ອງຖີ່ນ; (2) ແນະນໍາພາລະບົດບາດຂອງສະຖາບັນ ໃນການຮຽນຮູ້ ແລະ ແລກປ່ຽນບາງປະສົບການນໍາບັນດາແຂວງຕ່າງໆ ແລະ (3)ເພື່ອເກັບກໍາບັນຫາ, ຄວາມຕ້ອງການທ້ອງຖີ່ນໃນການຮ່ວມມືວຽກງານທີ່ກ່ຽວຂ້ອງ ກັບການຄົ້ນຄວ້າ-ພັດທະນາ ໃນຕໍ່ໜ້າ.
ພ້ອມກັນນັ້ນ ຄະນະທີມງານວິຊາການສະຖາບັນນິເວດວິທະຍາ ແລະ ເຕັກໂນໂລຊີຊີວະພາບ ກໍ່ໄດ້ເຂົ້າພົບ ທ່ານ ນ. ສຸລິພອນ ສຸພັນທອງ ຄະນະປະຈໍາພັກແຂວງ, ຮອງເຈົ້າແຂວງ, ຜູ້ຊີ້ນໍາຂົງເຂດວຽກງານເສດຖະກິດ ແລະ ແຜນການ ເພື່ອລາຍງານຜົນກອງປະຊຸມ ພ້ອມທັງໃຫ້ທິດຊີ້ນໍາໃນການນໍາໄປຈັດຕັ້ງຜັນຂະຫຍາຍໃນຕໍ່ໜ້າ ໃນການຄົ້ນຄວ້າ-ພັດທະນາ ເປັນຜະລິດຕະພັນທີ່ມີທ່າແຮງ ແລະ ເອກະລັກຂອງທ້ອງຖີ່ນໃຫ້ຜູ້ປະກອບການ, ຊາວກະສິກອນນໍາໄປຈັດຕັ້ງຜັນຂະຫຍາຍ.
inflatable cube tent
